လွင်မောင်၊ စွမ်းထက်မောင် နှင့် ထူးဇော်တို့မှာ ငယ်စဉ် မူလတန်းကျောင်းသားမှစ၍ အထက်တန်းကျောင်းသား အရွယ်အထိတိုင် ကျောင်းအတူတူ တက်လာကြသည့် အချစ်ဆုံး သူငယ်ချင်းများဖြစ်ကြသကဲ့သို့ ကျောင်း၏ လူဆိုးစာရင်းဝင် ကျောင်းသား သုံးယောက်လည်း ဖြစ်သည်။ လွင်မောင်၊ စွမ်းထက်မောင် နှင့် ထူးဇော်တို့ ဒဿမတန်းသို့ရောက်လာကြသည့်အချိန်တွင် ရဲခေါင် နှင့် ထိန်လင်းအောင်ဆိုသည့် ကျောင်းသား အသစ်နှစ်ယောက်နှင့် ဒဿမတန်း သင်ကြားမည့်ဆရာမ ဒေါ်သဇင်နွယ်တို့ ပြောင်းလာကြသည်။ ဉာဏ်ကောင်းသော်လည်း စာမေးပွဲကိုကျအောင်ဖြေတတ်သည့် ရဲခေါင်ကို ဆရာကြီးအထာဖမ်းသည်ဟု သတ်မှတ်ကာကြည့်မရခဲ့။ တစ်ခန်းလုံးနှင့် အဆင်ပြေသည့် ထိန်လင်းအောင်မှာလည်း ဆရာ၊ ဆရာမများ စာမေးလိုက်တိုင်း အမြဲစာမရသဖြင့် ကျောင်းသား၊သူများက စာညံ့သောကျောင်းသားဟု သတ်မှတ်ကာ မပေါင်းချင်ကြပေ။ ထို့ကြောင့် ကျောင်း၏ လူဆိုးငါးယောက်ဟု စာရင်းသွင်း သတ်မှတ်ခံထားရသည်။ ဆရာ/ဆရာမများ နှင့် ကျောင်းသား/သူများမှ လူဆိုးငါးယောက်ဟု သတ်မှတ်ထားသော ကျောင်းသားများမှာ အမှန်တကယ် ဆိုးသွမ်းနေသည့် ကျောင်းသားများ မဟုတ်ကြောင်း၊ ကိုယ်ပိုင်အစွမ်းအစ ကိုယ်ပိုင်အရည်အချင်း အသီးသီးရှိကြသူများဖြစ်ပြီး ထူးချွန်သော ကျောင်းသားများဖြစ်သည်ဆိုသည့် အချက်ကို ကျောင်းအုပ်ဆရာမကြီး အပါအဝင် အားလုံး လက်ခံလာအောင် သက်သေပြရန် ဒေါ်သဇင် နှင့် အတူ ထိုကျောင်းသားငါးယောက်တို့ အတူကြိုးစားကြလေတော့သည်။